2.6 Elektronisk faktura

I avtaler som blir inngått etter 1. juli 2012 skal statlege verksemder krevje at deira leverandørar av varer og tenester sender faktura og kreditnota elektronisk, slik at verksemda mottek dokumentet i samsvar med standarden ”Elektronisk handelsformat” (EHF).

FAD rår offentlege verksemder til å nytte infrastrukturen Difi forvaltar for formidling av elektroniske handelsdokument.

Statlege verksemder blei med verknad frå 1. juli 2011 pålagt å kunne ta i mot faktura og kreditnota i EHF format jf. Forskrift om IT-standardar i offentleg forvalting § 4-7 og Økonomireglementet av 8. juni 2010, punkt 5.3.5.1 i føresegnene.

__________________________________________________________________________

Sjå også Digitaliseringsrundskrivet - Nr. P-10/2012, datert:31.10.2012, punkt 1.6 Bruk elektronisk faktura.

__________________________________________________________________________

Krav om elektronisk faktura – Presisering til rundskriv P-11/2011

I rundskriv P-11/2011 av 25.10.2011 frå FAD er det under punkt 2.6 gitt følgjande pålegg til statsetatar:

I avtaler som blir inngått etter 1. juli 2012 skal statlege verksemder krevje at deira leverandørar av varer og tenester sender faktura og kreditnota elektronisk, slik at verksemda mottek dokumentet i samsvar med standarden ”Elektronisk handelsformat” (EHF).

FAD er kjend med at det har kome spørsmål om dette kravet berre gjeld for IKT-anskaffingar eller om ein skal sjå på det som eit generelt krav.

Vi presiserer difor at kravet gjeld anskaffingar av alle typar varer og tenester, altså ikkje berre dei som omfattar IKT. Vi ber Difi formidle denne presiseringa i samband med arbeidet sitt med elektronisk faktura.

FAD
16. januar 2012

Ei avtale er ei innbyrdes tyngjande forplikting mellom to – eller fleire – partar.

Dette gjeld òg munnlege avtaler, med andre ord skal det krevjast elektronisk faktura i alle enkeltkjøp.