Innovative verksemder må ha takhøgd for å gjere feil. Det må vere rom, både organisatorisk og økonomisk for å tenkje nytt og utanfor boksen. Forankring hjå toppleiinga er heilt avgjerande. Toppleiinga må sjå på innovasjon som eit verkemiddel for å løyse dei utfordringane og problema som er identifiserte, ikkje som ein tidkrevjande prosess med usikkert utfall.

Desse momenta er viktige:

• Fleksibel organisasjonsstruktur: Ikkje vasstette skott mellom avdelingar og fagmiljø
• Ein organisasjonskultur som premierer nytenking og dialog mellom fagmiljø
• Forankring hjå toppleiinga og ei forståing av at innovasjon er eit viktig verkemiddel for å løyse utfordringar
• Takhøgd for å gjere feil
• Økonomisk rom for å prøve ut nye løysingar

Organisering i prosjektgrupper og nettverk fremjar kommunikasjon og utvikling mellom fagmiljøa, medan tradisjonell linjebasert organisasjon gjer at det er mindre kommunikasjon mellom dei ulike fagmiljøa.