Difi har utvikla miljørettleiing for ei rekkje varer og tenester. I rettleiinga finn du:

• Informasjon om miljøproblema relatert til vara eller tenesta
• Framlegg til anskaffingsprosess, teknisk spesifikasjon (krav til ytinga), krav til leverandørane, tildelingskriterium, og kontraktskrav
• Framlegg til dokumentasjonskrav for kvart miljøkrav- og kriterium

 Rettleiinga er utvikla i samarbeid med oppdragsgjevarsida, leverandørsida og miljøfagkunnige, og har vore på brei høyringsrunde.

Kontraktsklausular om gjenvinning av avfall

Difi har utvikla:

• Kontraktsvilkår om gjenvinning av emballasje
• Kontraktsvilkår som sikrar at leverandørar (produsentar og importørar) av elektriske og elektroniske produkt oppfyller plikta si til å vere medlem i returselskap

Finn du ikkje det du skal kjøpe i lista?

Rettleiing for fleire område er vorte produsert av blant anna EU, Sverige, Danmark og Nederland. Dersom du ikkje finn rettleiing for vara/tenesta du skal kjøpe, kan du sjølv utarbeide dette; sjå nærare om hjelp til å stille eigne miljøkrav.